Новости сайта

2020ж. 11.12 күні ШК-17-9 тобында «Елімнің бақытын тербеткен - Тәуелсіздік» атты тәрбие сағаты болып өтті.

Мақсаты: 

• Елімізге тәуелсіздіктің оңай жолмен келмегендігін,тәуелсіздіктің қадір-қасиетін түсіндіру;
• ел бірлігін сақтауға, әлем алдындағы беделімізді одан әрі көтеруге күш салу;
• Қазақстан Республикасындағы халықтардың ынтымақтастықпен, бірлікпен, тең құқықпен өмір сүріп жатқандығын  үлгі ету;
• этносаралық және мәдениетаралық коммуникацияны дамыту;
• Қазақстандық патриотизмге, елін, жерін, салт – дәстүрін, тарихын құрметтейтін жаны таза, рухы мықты азамат тәрбиелеу.
• студенттердің танымдық көзқарасын байыту, ақыл-ой қабілетін жетілдіру, өзіндік ойлау және өмірлік  ұстанымын қалыптастыру.
•  еліміздің шешендік өнерін дәріптеп, елге таратуға, жан-жақты насихаттауға, шешендікті заманауи талаптармен, жаңашылдықпен ұштастыра өрістетіп, сөйлеу мәдениетін көтеруге қол жеткізуге игі ықпал ету.
•  

Жауапты студент Аман Арай тәрбие  сағатының мақсатын, барысын түсіндіріп  өтті.  «Білгенге маржан»   кезеңінде еліміздің тарихына байланысты сұрақтар қойылды.

«Мақал –мәтелді жалғастыр» кезеңінде туған жерге, Отанға байланысты мақалдар айтылды.

«Тәуелсіздік бізге оңай келмеді» бейнематериалдар көрсетілді.

«Менің Қазақстаным – менің болашағым» кезеңінде өлең –жырлар оқылды, әркім өзінің ойымен бөлісті.

Онлайн түрінде ұйымдастырылған тәрбие сағатының мазмұны  терең,  тәлім –тәрбиелік мәні зор . Қатысушы студенттер үлкен белсенділік танытты.                                                                                         

                                                                     Оқытушы: Б.К. Жахметова